Finss.az - Azərbaycan Respublikasının Mərkəzi Bankı (AMB) 22 avqust 2025-ci il tarixindən etibarən qüvvəyə minən rəsmi məzənnələr bülletenini açıqlayıb.

Məlumata görə, 1 ABŞ dolları 1.7000 manat səviyyəsində sabit qalıb. Avronun məzənnəsi isə 1.9694 manat olaraq müəyyənləşdirilib. İngilis funt sterlinqi 2.2769 manata yüksəlib, Rusiya rublunun 100 vahidi 2.1115 manat təşkil edib.

Qonşu ölkələrin valyutalarına gəlincə, Türkiyə lirəsinin 1 vahidi 0.0415 manat, Gürcü larisi 0.6294 manat, İran rialının isə 10 min vahidi 0.0295 manat müəyyən olunub.

Mərkəzi Bank həmçinin qiymətli metalların rəsmi qiymətlərini də açıqlayıb. Bir unsiya qızılın qiyməti 5658.05 manat, gümüş 64.69 manat, platin 2288.62 manat, palladium isə 1897.71 manat olaraq təsdiqlənib.